Konviksyon pa nou: Chak nasyon gen lang pa yo ki reprezante idantifye yo. Gen pase 7,106 lang ke moun pale sou latè. Chak lang sèvi kòm medium pou pataje panse lè e bay chak moun yon sens de idantite inik. Nou menm antan ke Ayisyen, Kreyòl fè pati nan idantite nou kèlkeswa kote nap viv la.

Nou fyè e renmen lang nou. Devosyons nou ofri yo ap edéw grandi ansanm avèn nan lafwa pou yon demen miyò .

Misyon: Idantitew se paspòw. « Devosyon an Kreyòl » egziste pou ede nou pataje lanmou, enspire bon konprann youn ak lòt, epi devlope yon relasyon natif natal avèk Jezikri. Nou vle enspire chak moun viv nan lanmou, sajès, ak pouvwa ki soti nan yon relasyon sere kole ak Kris.

Vizyon ak pasyon nou: Tout desi kèn se pou n wè chak moun viv nan yon idantite ki simante nan Bondye. Kote chak fanm ak gason vayan ke nou ye ka leve kanpe pou lajistis, onè, ak lanmou.

Ou egziste pou yon rezon extraodinè e nou vle sipòtew, priye avèw, epi selebre w nan lavi kotidyen’w a travè devosyon nap pataje ansanm.

Nou kontan ou vizite nou e nou swete nanm ou beni nan chak devosyon nou pataje avè’w.

Slogan nou:“Ann kole zépòl nan lanmou, tipa tipa nap rive”.